الثلاثاء، 19 أكتوبر 2010

من غير نهاية

  علمتيني اعشق تفاصيلك
واغزل وصفي علي عودك
من غير حروف
نفسي اشوف
كلام القلب
ف الخطاوي
قربيلي
اوهبيلي 
لحظة منك 
اصلي غاوي
حب طاهر
من غير كسوف
اسمعيلي وسمعيهم
كلمة منك
طالعة ليا
راسمة فيا 
حلم ليكي
وبين عنيكي
انقشيني وامسحيهم
زي ماضي
وقلبي حاضر
حبة واقف
نخل عالي
ف حضن ارضي 
للعلالي
و فيكي سارح
حبة راسم
ف الملامح
شط صافي
مرسى دافي
وبين ضلوعه
ضلع طيب
تاني ليكي
ازرعيه
واكتبيني
كلمة حلوة
ف البداية
اسمي آدم
وانتي حَوا
والحكاية 
ف كل خطوة
مرسومة فينا
قدام عنينا
نص ليا
ونص ليكي
فص مني
وفص فيكي
ف رحلة واحدة


من غير نهاية


كلماتي
مصطفي التلواني

ليست هناك تعليقات:

إرسال تعليق