وحدة

ساعات..لما قلوب البشر بتضيق

وموج الوحدة بيشتد
بكون غريق
بنزل قلب الشوارع
الاقي القمر خجلان
والورق ع الفروع دبلان
بشوف عيوني الدبلانين
من كتر البكا
ف مراية السما
برمي الطريق وري ضهري
وبسيب خيالي ع الرصيف
يضحك علي احتياجي وفقري
لحد قلبه كان كفيف
والسكوت بيدور معايا
حتي ف عز الكلام
وقت ما تطلب معايا
انسج خيوط الكلام
وابكي النسمة علي حالي
ف قصيدة من ارتجالي
حفرتها ف جبين الشجر
وقت المطر
اللي اصله كان دموع
ونازلة تغسل البيوت
والدروب
والقلوب
اللي مليانة بخشوع
لحظة ما كنت انا
ف عز فيض الدموع
واقف بنادي رب السما
يفيض عليا برحمته
ويملي قلبي بالدفا
لحين احقق حكمته
واكرم قلوب..مفهاش وفا


كلماتي
مصطفي التلواني