حجاب مبين كل حاجة
وبنات كتير مش لابسة حاجة
مانيكان ف قلب الفتارين
وناس جيوبها ناقصة حاجة
لا ماعونة امريكية نافعة
ولا حتى ميت جمعية شافعة
دي عيون بتمسح فتارين
ماشيين ف قلب بعض دفعة
ف وسط البلد
اللي حاضن ايد حبيبته
واللي قافش كتف خيبته
وبوسة طالعة ف قلب زحمة
من خطيب لايد خطيبته
نازلين مخصوص لفيلم سيما
من بعده غدوة عليها قيمة
وعشان يبان كريم ف عينها
يجيب هدية عقد زينة
من عجوز واقف لوحده
م الصبحية الحر هده
والشمس مش سايباه ف حاله
لكن محظوظ ولا حد قده
اول ما شاف البلدية
زَوغ ف حتة مدارية
وباعلو كام عقد زينة
لست حلوة اجنبية
بتتمشى ف وسط البلد
عاجبها شموخ التماثيل
وبرد كوبري قصر النيل
وشمس مصرية حافية
بتنادي ورد ومناديل
ثابتة ف صورة ضوئية
لقطتها ساعة مغربية
ببسمة حروفها حزينة
على صورة كانت حقيقية
لعيون بتصرخ م الوجع
حواليها مليون جدع
جالهم صرع..بالاوامر
مفهومش ولا واحد جدع
وبنت بلدي شعرها مكشوف
ورخص عرضي باين ع الضيوف
لما الاهالي من قريب نهشوه
والظلم طايله من غير كسوف
وانا دمي والع ما بينطفي
من سجن واسع ما بيكتفي
بالع زهور الارض خضرا
على بابه المرؤة بتختفي
قام الكلام شط مني
سألت سين غصب عني
يا ناس كفاية يا ناس حرام
ليه الظلم ده كله يعني؟!
ف جت اجابة من بعيد
ف كلبش مصنوع من حديد
وتهمة ساكنة بين ضلوعي
خدتني ورى قضبان بعيد
عن وسط البلد
كلماتي
مصطفي التلواني
وبنات كتير مش لابسة حاجة
مانيكان ف قلب الفتارين
وناس جيوبها ناقصة حاجة
لا ماعونة امريكية نافعة
ولا حتى ميت جمعية شافعة
دي عيون بتمسح فتارين
ماشيين ف قلب بعض دفعة
ف وسط البلد
اللي حاضن ايد حبيبته
واللي قافش كتف خيبته
وبوسة طالعة ف قلب زحمة
من خطيب لايد خطيبته
نازلين مخصوص لفيلم سيما
من بعده غدوة عليها قيمة
وعشان يبان كريم ف عينها
يجيب هدية عقد زينة
من عجوز واقف لوحده
م الصبحية الحر هده
والشمس مش سايباه ف حاله
لكن محظوظ ولا حد قده
اول ما شاف البلدية
زَوغ ف حتة مدارية
وباعلو كام عقد زينة
لست حلوة اجنبية
بتتمشى ف وسط البلد
عاجبها شموخ التماثيل
وبرد كوبري قصر النيل
وشمس مصرية حافية
بتنادي ورد ومناديل
ثابتة ف صورة ضوئية
لقطتها ساعة مغربية
ببسمة حروفها حزينة
على صورة كانت حقيقية
لعيون بتصرخ م الوجع
حواليها مليون جدع
جالهم صرع..بالاوامر
مفهومش ولا واحد جدع
وبنت بلدي شعرها مكشوف
ورخص عرضي باين ع الضيوف
لما الاهالي من قريب نهشوه
والظلم طايله من غير كسوف
وانا دمي والع ما بينطفي
من سجن واسع ما بيكتفي
بالع زهور الارض خضرا
على بابه المرؤة بتختفي
قام الكلام شط مني
سألت سين غصب عني
يا ناس كفاية يا ناس حرام
ليه الظلم ده كله يعني؟!
ف جت اجابة من بعيد
ف كلبش مصنوع من حديد
وتهمة ساكنة بين ضلوعي
خدتني ورى قضبان بعيد
عن وسط البلد
كلماتي
I like (Y)
ردحذففي الأول حسيت انك بتنقل صورة ناقدة لحال وسط البلد.. لبس البنات والمعونة الأمريكية.. بعدين لقيتها صورة رقيقة لوسط البلد.. الحب والسيما.. بعدين صورة كفاح وسط البلد بالعجوز الهربان م البلدية.. بعدين جو وسط البلد اللي تحبه بالتماثيل وكوبري قصر النيل.. بعدين تعبير عن حالة وجع عميــق!!!
ردحذفأحاسيس حقيقية بس ازاي اتجمعت كلها في قصيدة واحدة؟